Меѓународната графичка работилница,, Софија” во Богданци каде уметници селектирани од државните ликовни академии од Македонија, Белград и Нови Сад од Србија, Загреб и Осиек од Хрватска, Сараево од Босна и Софија од Бугарија секоја година творат во Богданци
Станува збор за традиционална работилница организирана од печатница ,,Софија” каде малдите уметници претежно студенти исклучиво изработуваат графики но и разменуваат искуства и нови финеси на графичкиот занает.
Во одделни простории и во пријатна атмосфера, студентите ги креираат своите дела, покрај уметноста создавајќи и пријателства што и по завршувањето на работилницата се одржуваат.
Во изминатиот период, на работилницата свој печат оставија над 150 графичари од соседните Бугарија и Србија, од Хрватска, Словенија, Грција, Босна и Херцеговина и од Црна Гора.
Притоа, особено е значајно што во работата на Работилницата се застапени сите класични графички техники (висок печат, длабок печат, рамен и пропусен печат), а сето тоа е следено од Советот, во кој се творци како Костадин Танчев – Динка, Данчо Калчев, Виктор Семенпеев, Јанко Темелков и Драги Семенпеев – Цапе.
Од Здружението на граѓани „Графичка работилница „Софија“ Богданци“, кое е организатор на работилницата, велат дека нејзината цел е на младите и талентирани автори да им се овозможи размена на искуства и можност за реализација на нивните дела, бидејќи поради условите во кои се работи, графиката како техника е помалку застапена во целиот регион.
Графичката работилница „Софија“ првпат се одржа во 2008 година.
aberdojde.mk
