Костените ја одбележуваат есента зошто се јавуваат во период од октомври до декември. Кај нас костени најчесто се јадат како ужина – варени или печени, додека пак во модерната кујна се дел од повеќе оброци и специјалитети. Вкусни се во главни јадења и десерти, но почесто се користат во десерти. Иако сезоната на костени кратко трае, можете да ги најдете во најблискиот маркет.
Нутритивни вредности:
Костени се плодови кои растат на дрвјата и за среќа кај нас се доволно застапени. Тие се производи богати со магнезиум, немаат глутен и содржат протеини, витамини и антиоксиданси што се добри за организмот. При готвење, хранливите материи може да се зголемат кај зеленчукот, растенијата и јаткастите плодови, особено ако ги сварите. Плодовите кои растат на дрвја содржат најголемо количество на антиоксиданси, а во нив спаѓаат и костените.
Содржат антиоксиданси
Антиоксидансите се потребни за да ве заштитат од штетниот оксидативен стрес кој може да биде причина за одредени хронични заболувања. Иако телото може само да ги произведува, сепак потребно е да ги внесувате и преку храна. А на трпеза, се добра комбинација со претстојните новогодишни пијалаци кои лесно може да ги подготвите.
Ја подобруваат дигестијата
За костените е научно докажано дека помагаат при констипација (запек) поради тоа што содржат растителни влакна. Колку повеќе внесувате фибер, толку поздрава е цревната микрофлора. Покрај тоа, растителните влакна ве одржуваат сити што ги прави костените одлични за оние што сакаат да ослабнат или на некој начин внимаваат на нивната исхрана, и се одличен додаток за празнична трпеза.
Спречуваат дијабет
Ако организмот ви бара шеќери, тоа значи дека подолг период се храните со мрсна храна. Благодарение на растителните влакна што ги содржат костените, може да го балансирате внесот на шеќерите. Како што кажавме погоре, ја успоруваат дигестијата и со тоа се намалува желбата за внес на шеќери. Покрај тоа, може да ги сервирате како ужина на вашата трпеза со останатите рецепти.
Содржат витамин Ц
Она што е позитивно изненадувачки за костените е тоа што содржат витамин Ц. Постојано слушаме како витаминот Ц делува врз нашиот организам. Го зајакнува имунитетот, ја зголемува енергијата, придонесува за поздрава кожа и слично. Без разлика дали ќе ги јадете како ужина со јаткасти плодови или во главен оброк, убаво е да ја знаете придобивката од костени.
Ја зајакнуваат крвта
За тие што се справуваат, слабокрвноста или анемијата е тешка борба затоа што треба правилен начин на исхрана. Железото е еден од најважните компоненти во борба против анемијата. Лекарите препорачуваат храната богата со витамин Ц да се комбинира со онаа што содржи железо затоа што се засилува апсорпцијата на железо во телото. Во овој случај, костени може да искомбинирате со грашок, црвено месо, листопаден зеленчук како спанаќ, суво овошје итн.
Предлог рецепт:
Костени се вкусни плодови затоа што имаат минимално сладок вкус и се одлични ако сакате да внесите нов изглед на вашата трпеза. Италијаните користат брашно од костени, Американците ги ставаат во печена мисирка за Денот на Благодарноста, а кај нас ќе ги најдете највкусните печени костени. Не ви е потребна скара за да ги направите, може да ги направите и дома во рерна, на лесен начин.
Потребните состојки се следниве:
- Костени (нелупени)
- Масло или путер
Начин на подготовка:
Загрејте ја рерната на 200°C. Со нож исечете ги костените во форма на X. Ако ги исечете, нема да експлодираат во рерната и полесно ќе ги излупите откако ќе се испечат. Следно, наредете ги во тавче и ставете гиво рерна. Оставете ги да се печат се дури не се отворат лушпите на местото каде што ги исековте или 15 до 20 минути. Извадете ги и исцедете ги во крпа. Излупете ги и послужете. Уживајте!
Било да ги ставите во десерт или главно јадење, костените секогаш треба да бидат печени или варени затоа што содржат танински киселини кои може да бидат штетни за вашето здравје. Впрочем, зготвени се секогаш повкусни, и одлични се сервирани со црвено вино.
