Вински туризам е оној дел од туризмот кој вклучува посета на винарии, консумирање на вино, дегустација на сирења, како едно од јадењата кое е карактеристично и споиво со виното. Македонија е земја со голем потенцијал за развој на овој вид туризам.
Некои од македонските винарии работат интензивно во овој правец. Винариите во својата понуда вклучуваат сместување во нивни капацитети со цел да привлечат туристи кои ќе сакаат да доживеат нешто поинакво од овој аспект. Додека престојувате во некој од апартманите на некоја од винариите, речиси секој дел кој што е поврзан со производството на вино, одгледувањето на грозјето, пакувањето, сортирањето и слично, ви е на дофат и можете целосно да го осознаете процесот на создавање на ново вино.
Некои од македонските винарии имаат богата и долга историја. Од тој аспект, можете навистина да доживеете нешто поинакво за разлика од веќе рутинскиот одмор кој вклучува плажа и езеро/море.
macedoniawinetourism.blogspot.com
