Основата на овој концепт за развој на селото, е да со користење на напредните технологии се создадат подобри услови за работа и живот на локалното население и стопанство.
Концептот на „паметни села“ може да се користи во сите сфери на развој на селото. Може да се користат интерактивни апликации за информирање на туристите. Во земјоделието да се едуцира производителот како да ги користи дигиталните алатки за зголемување на продуктивноста и квалитетот на неговиот производот. Исто така, со овој концепт може да се модернизира јавното осветлување во селото, а јавните општински услуги да преминат од користење на хартија во користење на разни дигитални алатки.
Како што спомнавме погоре, целта е да се унапреди квалитетот на животот и работењето на селото на општинско ниво и затоа акцентот на овој концепт треба да се стави на јакнење на вештинити на дигиталната писменост на локалното население, дигитален пристап на основните услуги, иновативни решенија на подрачјаето на заштита на животната средина, рециклирањето на отпадот, промоција на локалните производи, како и користење на паметни решенија во различните стопански сектори, кои се двигател на развојот на локалните средини.
Овој концепт, во изминатите три години во Европа веќе почнаа да го реализираат добар дел од локалните заедници, а полека го прифаќаат и земјите од Балканот (Хрватска, Словенија).
Важно е да спомнеме дека во Европа веќе има доста успешно реализирани концепти на „паметно село“, па добро би било овие добри практики и искуства да се искористат при изработката на квалитетни стратегии, кој понатаму ќе се користат при развојот на овој концепт во Македонија.
Концептот „паметни села“ е веќе тема и на Европската мрежа за рурален развој. За оваа намена пред три години е формирана и тематска група која ќе работи на развој на овој концепт.
Во својата прва година, оваа тематска група истражуваше идеи и иницијативи околу ревитализација на руралните услуги преку дигитални и социјални иновации. Се разгледуваше, како руралните услуги – како што се здравството, социјалните услуги, образованието, енергијата, транспортот, трговијата на мало, можат да се подобрат и да се направат поодржливи преку користење на алатки од информатичката и комуникациската технологија, преку активности и проекти кои ќе бидат предводени од локалната заедницата.
Во својата втора година оваа тематска група повикуваше за развој на практични ориентации за користење на сите достапни информатички алатки за помош, за да можат да се појават и развијат „паметните села“. Во исто време, таа продолжи да функционира и како платформа за поврзување на различните иницијативи што се случуваат, како рефлексија на силниот интензитет и интересот кој растеше за оваа темата на сите нивоа.
Во својата последна трета година тематската група го претвори овој важен момент, кој беше многу интензивен и силен, што се создаде околу концептот „паметните села“, во конкретни предлози за креирање и интензивирање на поддршката за концептот „паметни села“.
Оваа тематска група на иновативен начин овозможи создавање на поживописни, повеќе одржливи и повеќе привлечни рурални области, кои преку Програмите за рурален развој, кохезивната политика на ЕУ ќе можат да користат повеќе финасиски средства од разните фондови кои постојат во Европската Унија.
